Софья Берульцева екінші қарсыласын жеңді

Қазақстандық каратеші Софья Берульцева екінші кездесуінде Еуропа ойындарының жеңімпазы Сильвия Семерароны 5:1 есебімен ұтты.

Токио Олимпиадасында әйелдер арасында 61 келіден жоғары салмақта сынға түсіп жатқан спортшымыз  екінші кездесуінде Еуропа ойындарының жеңімпазы, Италия спортшысы Сильвия Семерароны 5:1 есебімен ұтты. 

Софья Берульцева каратенің кумитэ санаты бойынша А тобында бақ сынауда. Топтық кезеңде оның қарсыластары Мельтем Ходжаоглу (Түркия), Сильвия Семераро (Италия), Ирина Зарецкая (Әзірбайжан) және Аюми Уэкуса (Жапония) болады.

Топтық кезеңде үздік атанған екі спортшы жартылай финалға жолдама алады. Қазақстандық Софья Берульцева топтық кезеңде екі кездесу өткізді, оның біреуін тең есеппен, екіншісін жеңіспен аяқтады. 

Қазақстандық спортшының келесі қарсыласы әлем және Еуропа ойындарының чемпионы Ирина Зарецкая (Әзірбайжан).