Соғысты тоқтату үшін бір ғана адаммен келіссөз  жеткілікті - Зеленский

Украина президенті украиндықтардың Ресеймен соғыста жеңіске жететініне сенімді және «соңғы адамы қалғанша емес, соңғы демі қалғанша күресуге» дайын.

— Мен үшін жеңіс бүкіл территориямыздың қайтарылуын білдіреді. Біз бүкіл территориямызды әскери жолмен қайтарып ала алмаймыз деп ойлаймын. Егер біз мұны таңдайтын болсақ, бұл  жүздеген мың адамның өмірін қиады. Бұл сөзсіз. Кез келген украиндық  Донбас пен Қырымды  қайтарғысы келеді. Ең болмаса 24 ақпандағы орыстар елімізге басып кірген жағдайға оралуымыз керек деп ойлаймын. Сонда дипломатия арқылы территориямызды қалпына келтіру туралы айтуға болады, - деді Украина президенті Nieuwsuur басылымына берген сұхбатында.

Бірақ адам шығынын болдырмау үшін оның пікірінше, Путинмен кездесу ғана қажет. Ресей билігінің басқа өкілдері тоталитарлық елде ештеңе шешпейді дейді ол. Зеленский Ресейде «келіссөз жүргізе алатын басқа адам жоқ» деп сендірді. Ол «қалған адамдардың бәрі  түкке тұрғысыз , бәрін бір адам шешеді» деген пікірде.

Айтпақшы, кеше Ресей президенті әскери қызмет өткеру туралы алғашқы келісім-шарт жасасу жасының жоғарғы шегін жою туралы заңға қол қойғаны белгілі болды. Бұл Путин әскери қақтығысты кез келген жағдайда жалғастыруға дайын дегенді білдіре ме, белгісіз. Бірақ ресми түрде заңның түсіндірме жазбасында елге жоғары дәлдіктегі қаруды, қару-жарақ пен әскери техниканы пайдалану ерекшеліктерін білетін тәжірибелі мамандар қажет екені атап өтілді. Ал заң шығарушылардың айтуынша, адамдар 40-45 жаста ғана нағыз маманға айналады.

Дегенмен, бұл жаңашылдық екі ел арасындағы әскери қақтығысқа әсер етпесе де, Зеленский әлі де «бәрін шешетін» адаммен кездесуге дайын. Бұл тек жаулап алған кезге дейінгі  Украинаның құрамында болған аумақтарды қайтаруға байланысты.

Оның ойынша  украиндықтар соңғы уақытқа дейін күресуге өте ынталы.

 — Менің ойымша, Путин мұнда тұратындардың Ресейдің бір бөлігі болғысы келмейтінін түсінбейді,- деді Зеленский.

Зеленскийдің толық сұхбаты 28 мамырда кешке шықты. Әскери қақтығыстардан басқа, журналист президентпен жеке өмірі, сондай-ақ ЕО-ға мүшелікке жеделдетілген мүшелік және Нидерландының рөлі сияқты саяси тақырыптар туралы сөйлесті.