Соғыс ардагерлерінің саны жылдан жылға азайып барады

Қазақстанда Ұлы Отан соғысының 665 ардагері қалды. 2020 жылы ғана олардың саны 1025 болған. Бұл туралы Еңбек және халықты әлеуметтік қорғау вице-министрі Ерлан Әукенов мәлімдеді.

—2020 жылы 1025 ардагер болса, биыл – 665 ардегер қалды. Ардагерлер мен оларға теңестірілген тұлғаларды, соның ішінде тыл еңбеккерлерін алатын болсақ, олардың саны 127 мыңнан 114 мың адамға дейін қысқарды, - деді Әукенов ОКҚ онлайн-брифингінде.

Елімізде бүгінде Екінші дүниежүзілік соғыста болған 665 ардагер бар.

⠀Басқа санаттағы ардагерлер:

• Қоршаудағы Ленинград тұрғындары – 74 адам;
• Концлагерьлердің бұрынғы кәмелетке толмаған тұтқындары – 221 адам;
• ҰОС қайтыс болған мүгедектердің әйелдері (күйеулері) – 2 296 адам;
• ҰОС кезінде қаза тапқандардың жесірлері – 10 адам;
• Тыл еңбеккерлері – 89 385 адам;
• ҰОС қатысушылары мен мүгедектеріне теңестірілгендер– 21 569 адам.

Соғыс кезінде 1 миллион 200 мыңнан астам қазақстандықтар майданға шақырылды, 20-дан астам атқыштар дивизиясы және басқа құрамалар құрылды.

Orda.kz. ақпараттық порталының ұжымы ардагерлерді бүгінгі мерекелерімен құттықтап, қатарымызда ұзақ жүрулеріне тілектестік білдіреді. Біз қашан да ұрпақ үлгі тұтар ерлік істеріңізбен мақтанатын боламыз.