Соңғы қоңырау шынымен де соңғы болды: екі оқушы көз жұмды

25 мамыр соңғы қоңырау күні екі оқушы: Батыс Қазақстанда 11-сынып оқушысы мен Қостанайда 9-сынып оқушысы суға батып кетті.

Бұл туралы Orda.kz хабарлады.

Қостанайда 2005 жылғы жасөспірім салтанатты шарадан кейін Тарелочка көліне шомылуға барған.

– Олар шомылған жердің суы таяз болған. Бірақ суға батқан бала әрірек жүзіп, сүңгіп кеткен. Мәйітті тапқан біздің сүңгуірлердің айтуынша, су айдынының тереңдігі 3 метрге дейін жетеді. Өлімнің себебі сараптамадан кейін белгілі болады, - деді облыстық төтенше жағдайлар департаменті бастығының орынбасары Азамат Орымбаев «Наша газета» басылымына.

Еске салсақ, 2020 жылы Қостанайда 21 адам, оның ішінде төрт бала суға батып кеткен.

Ал Батыс Қазақстанның Қаратөбе ауданында мектеп түлегі рұқсат берілмеген жерде жүземін деп, суға кетті.

«Мой город» сайтының айтуынша, жасөспірімнің денесі сағат 19.24-те табылған.

Белгілі болғандай, 11-сынып оқушысы атасының үйіне демалуға келіп, достарымен шомылуға барған.

Еске салсақ, 24 мамыр, яғни, бір күн бүрын Теректі ауданында 16 жастағы бала суға батып кеткен.