Смартфон сәулесінің дене терісіне тигізетін қаупі қандай?

«Замануи технологияларды қолданудың адам денсаулығына кері әсері күннің зақымдауымен пара-пар», - деді қатерлі ісікпен күрес орталығының дерматологы Шьямалар Гунатисан.

Себебі, ноутбук, телефон, планшеттерден, теледидардан және жарықдиодты шамдардан шығатын көгілдір жарық дереу теріге енеді.

Бес күн бойы құрылғының алдында алты сағат жұмыс істеу теріге күннің астында 25 минут ешқандай қорғаныссыз жүргендегідей әсер ететіндігін ескертеді ғалымдар.

«Ұзақ уақыт бойы көгілдір жарықтың теріге әсер етуінен гиперпигментация пайда болады. Одан терінің түсі қоңырлана бастайды. Ол сонымен қатар қартаюға, дақтардың пайда болуына әкеледі», - деді Шьямалар Гунатисан.

Сонымен қатар, құрылғыны қолдану барысында экранның жарық деңгейін төмендетуге кеңес береді.