Смайылов Алматыдағы өрттен кейін барлық тұрғын үй кешендерін тексеруді тапсырды

«Ақкент» тұрғын үй кешенінің 42 тұрғыны зардап шеккен қайғылы оқиғадан кейін  жапа шеккен бес адам әлі де емдеу мекемелерінде жатыр.

Премьер-министр Әлихан Смайылов 5 тамызда өткен кеңесте жантүршігерлік салдары болған өрт шыққан «Ақкент» тұрғын үй кешенін қалпына келтіруді жеделдетіп, басқа тұрғын үй кешендерін тексеруді және Төтенше жағдайлар министрлігіне биіктікке көтеріле алатын техника сатып алуды тапсырды.

Төтенше жағдайлар министрі Сырым Шәріпхановтың айтуынша, өрттің шығу себептерін анықтау үшін бірқатар сараптамалар жүргізілуде. Тергеу аяқталғаннан кейін тиісті процессуалдық шешімдер қабылданады. Қазір Алматы қаласы әкімінің орынбасары Асқар Әмриннің айтуынша, тұрғын үйді қалпына келтіру жұмыстары жүріп жатыр. Олар кіреберістерді және залал келтірілген пәтерлерді жөндеп жатыр.

Қайғылы оқиғадан кейін шенеуніктер енді көпқабатты үйлердегі өрт қауіпсіздігі шараларын күшейтіп, тұрғын үй инспекциялары да белсенді жұмыс істеуі керек деп есептейді.

Төтенше жағдайлар министрлігі жүргізіліп жатқан оқу-жаттығулар аясында тұрғындардың өрт кезінде әрекет етуге дайындық деңгейін арттыру бойынша шаралар қабылдауы қажет, деді Смайылов.

Тұрғын үй кешендері жаңа жобаларын алдын ала, апаттық-құтқару қызметтері техникасының өтуін ескере отырып әзірлеу керектігін түсіндірді, өйткені «Ақкент» тұрғын үй кешеніндегі жағдайда тұрған көліктер мен биік бордюрлер өрт сөндіру техникасының өтуіне кедергі келтірген.

Сонымен Смайылов мынадай тапсырма берді:

1. тұрғындардың үйлеріне тезірек оралуы үшін қалпына келтіру жұмыстарын жеделдету;

2. жаңа көпқабатты үйлердің өрт қауіпсіздігі талаптарына сәйкестігін әрдайым тексеру;

3. сондай-ақ республикадағы Төтенше жағдайлар министрлігі  бөлімшелеріндегі жабдықтарды жыл сайынғы жаңарту кезінде көпқабатты үйлерде жұмыс істеуге арналған техника қажеттілігі ескерілсін.