Словакия премьер-министріне оқ атылды

Роберт Фико 15 мамырдағы қастандықтан кейін оқ жарақатымен ауруханаға жеткізілді.

Reuters агенттігінің хабарлауынша, үкімет отырысы өтіп жатқан Гандлов қаласында Роберт Фикоға шабуыл жасалған.

Парламент төрағасының орынбасары Лубос Блаханың айтуынша, премьер-министр оқ жарақатын алған.

Оқиғаның куәгерлері бірнеше атыс естіген. Полицейлер қылмыскерді ұстады, күдікті қамауға алынды.

«Бағыт - социал-демократия» партиясының негізін қалаушы және жетекшісі Роберт Фико 2023 жылдың 25 қазанынан бері Словакияның премьер-министрі қызметін атқарады. Ол бұған дейін 2006-2010 және 2012-2018 жылдары премьер-министр болған. Роберт Фико ЕО-ның Украинаға қолдау көрсетуіне қарсы «ресейшіл» саясаткер болып саналады.