Скриптонит пен Jah Khalib-ке тыйым салынды

Ресейлік БАҚ-тар жаңа қара тізімнің жасалғаны туралы жаңалық жариялап, оқырмандарын таңғалдырды. Бұл тізімге Ресей аумағында өнер көрсетуіне тыйым салынған 79 танымал орындаушы енгізілді, деп хабарлайды Orda.kz.

Олардың арасында «саясатқа араласпайтын» жұлдыздар мен ресейлік билікті ашық қолдайтын тұлғалар бар. 

«Тыйым салынған» әртістердің арасында Гуф, Джиган, Скриптонит сынды танымал музыканттар, сондай-ақ Бейонсе мен Metallica сынды халықаралық жұлдыздар да бар. Қауіпсіздік пен сыбайлас жемқорлыққа қарсы күрес жөніндегі федералдық жобаның басшысы Виталий Бординнің айтуынша, мұндай тізімдер жұртышылық арасында көп сұрақ пен күмән тудырды. 

«Кейде тізімде үнемі билікті қолдап келген өнерпаздар болады. Бірақ кенеттен келісімшарттарын жоғалтып, өнер көрсету мүмкіндігінен айрылады. Бұл олардың орнын басуға тырысатын бәсекелестердің әрекеті болуы мүмкін», — деді Бордин.