Skoda автоконцерні Қазақстанмен келісімшартқа отырды

Қазақстандық Allur автомобиль компаниясы еуропалық ірі Volkswagen Group концернімен өндірістік ынтымақтастық туралы келісімге қол қойды.

Келісімге сәйкес, Қазақстанда Skoda маркалы автокөліктердің тұрақты өндірісі ұйымдастырылады.

«Жылдар бойына ең сенімді деп танылған Skoda автомобильдері бүгінде өндіріс көрсеткіштерінен асып түсуді мақсат етіп отыр. Егер 2022 жылы Skoda Auto 780 мың автокөлік шығарса, биыл бүкіл әлемде, оның ішінде Қазақстанда да өндіріс белдеуіне жаңа алаңдарды қосу арқылы бұл көлемді арттыру жоспарлануда» деп хабарлады Allur компаниясы.

Келісімге қол қою бейнебайланыс арқылы өтті. Жобаға құйылған инвестиция көлемі 26 млрд теңге, ол брендтің өндірістік және дилерлік желісін ұйымдастыруға жұмсалады.

«Жалпы еуропалық серіктеспен ынтымақтастық 1500-ге жуық жаңа жұмыс орнын құруға мүмкіндік береді. Бұл бүкіл ел бойынша кеңінен ұсынылған,  ауқымды брендпен жұмыс істеу кезінде ажырамас атрибут болады. Бұл зауыт мамандары, оларды оқыту, сондай-ақ одан әрі оқшаулау қол қойылған Келісімнің ережелеріне енгізілген. Қазірдің өзінде Allur зауытының инженерлер тобы Чехиядағы Skoda Auto өндірісінде жұмыс істеп жатыр»,- деді Allur компаниясының ресми өкілі Айдар Өтешев.

Skoda 1991 жылдан бері неміс Volkswagen тобына кіретін Еуропадағы ең ірі автомобиль өндірушілерінің бірі.