СҚО-да су басқан үй қалмады – Төтенше жағдайлар министрлігі

ҚР Төтенша жағдайларминистрлігі СҚО-да  су басқан үй қалмағанын хабарлады. Бірақ су басқан аулалар әлі де бар, деп хабарлайды Orda.kz.

Солтүстік Қазақстан облысында су басқан тұрғын үйлердің қалмағаны Төтенше жағдайлар министрлігінің еліміздегі су тасқыны жағдайы туралы күнделікті хабарында айтылған.

«Қазір Солтүстік Қазақстан облысында су басқан тұрғын үйлер жоқ. Өткен тәулікте Петропавл қаласының Подгора шағын ауданындағы екі жеке тұрғын үй мен 20 аулалық аумақтан 159 300 текше метр су бұрылып, сорылды» делінген ведомство хабарламасында.

Сонымен бірге, хабарланғандай, кешегі жағдай бойынша облыста 29 шаруашылық су астында қалды.

Бірақ сол Солтүстік Қазақстан облысындағы Тепличное ауылының мысалы көрсеткендей, зардап шеккендердің мәселесі суды сорумен бітпейді. Естеріңізге сала кетейік, Тепличный тұрғындары үйлерінен шыққан су екі аптаға жуық уақыт бұрын тартылғанын айтқанымен, олардың көбі су тасқынынан келген шығын қорытындысын әлі де сарапшылардан күтуде.