СҚО-да «Көкшетау-Омбы» республикалық тас жолын су басты

Қазір республикалық маңызды жол бойындағы 83-185 шақырым аралығындағы учаскеде көлік қозғалысы жабылды.

«Көкшетау-Омбы» тас жолында 29 наурызда күндізгі сағат бірлер шамасында бірнеше жерде еріген су тасқынынан кейін көлік қозғалысы тоқтатылды.

«Кей жерлерде судың тереңдігі шамамен 50 сантиметр болды. Осыған байланысты жолаушылар көліктерінің қозғалысы қиындауда» деп түсіндірді Orda.kz тілшісіне «ҚазАвтоЖол» АҚ Солтүстік Қазақстан филиалы.

Ұйымның мәліметінше, қазір су тасқыны салдарын жою жұмыстары жүріп жатыр. Алайда олар тас жолды қашан ашатыны туралы әлі жауап бере алмай отыр.