СҚО-да аудан әкімінің орынбасары пара алғаны үшін сотталды

Солтүстік Қазақстан облысында аудан әкімінің орынбасары мен тұрғын үй коммуналдық шаруашылығы бөлімінің басшысы пара алғаны үшін сотталды, деп хабарлайды Orda.kz.

Антикордың мәліметінше, серіктестік директоры оларға аудан жолдарын жөндеді деп жұмыс актісіне еш кедергісіз қол қойып бергені үшін 10 млн теңге пара берген. Антикор күдіктілерді ұстады. 

Сот үкімімен аудан әкімінің орынбасары 7 жыл 6 айға бас бостандығынан айырылды. Аудандық тұрғын үй коммуналдық шаруашылығы бөлімінің басшысы 7 жылға сотталды. Ал серіктестік директоры 3 жыл 6 айға бас бостандығы шектелді.