СҚО-да айуандықпен бір отбасын қырып кеткендерге қатысты апелляциялық шағым түсті

15 қараша 2024 14:57 Альфия Адамбек

Фото: Orda.kz

Солтүстік Қазақстан облысының прокуратурасы Приходченконың отбасын өлтіру фактісі бойынша көптеген наразылықтарға сүйене отырып, облыстық сотқа апелляциялық шағым түсірді, деп хабарлайды Orda.kz.

Қанды оқиға 2023 жылдың 27 желтоқсаны күні Солтүстік Қазақстан облысы Петропавл қаласында болған. Жерлеу рәсімі бағытындағы бизнес ақшасына құныққан әйел екі адам жалдаған. Олар 17 жастағы ұл мен оның әке-шешесін айуандықпен өлтіріп кеткен. Отбасының тұңғыш қызы Татьяна Приходченко ғана тірі қалған. Күдіктілер көп ұзамай ұсталды.

«Азамат «E»-ні өмір бойына бас бостандығынан айырылып, азамат «О» 21 жыл 8 ай мерзімге, азамат «С» 3 жылға сотталды» делінген сот шешімінде.

Ата-анасы мен бауырынан айырылған бойжеткен 14 қарашада әлеуметтік желілерде бейне үндеу жасады.

«Менің атым Татьяна Приходченко. Мен қоғамға, құқық қорғау органдарына әділдік сұрап, үндеу жасағым келеді. 2023 жылдың 27 желтоқсанында Петропавлда менің отбасымды өз үйімізде аяусыз азаптап өлтіріп кетті. Бір сәтте анамнан, әкемнен және інімнен айырылдым. Бұл жағдай менің жүрегімді қарс айырды. Мен ең жақын адамдарымнан айырылдым. Тергеушілер мен прокурор барлық күдіктілерді дұрыс айыптады деп санаймын. Сотта олардың кінәсі туралы жеткілікті дәлелдер болды. Бірақ бір-біріне қайшы келетін жанама дәлелдер мен айғақтар арқылы ғана сот арандатушыны ақтап отыр», - деді қыз.

Ал «О» және «С»-ға қатысты жазаның жеңіл болуына орай облыстық прокуратура бұл үкіммен келіспеді. Осыған байланысты 2024 жылдың 12 қарашасында облыстық сотқа апелляциялық шағым жіберілді.

Жаңалықтар

барлық жаңалықтар