СҚО-да 910 су құбыры қалпына келтіріледі

Солтүстік Қазақстан облысында 910 су құбырының құрылысы және қайта жаңғырту жұмыстары басталды, деп хабарлайды Су ресурстары және ирригация министрлігінің баспасөз қызметі.

«Су ресурстары және ирригация министрлігі Солтүстік Қазақстан облысында топтық су құбырларын салу және қайта жаңғырту бойынша ауқымды жобаны жүзеге асыруда. Құрылыс және қайта жаңғырту жұмыстары жоспарланған су құбырларының жалпы ұзындығы 910 шақырым» делінген сенбі күні хабарламада.

Нәтижесінде 251 елді мекенді сумен қамтамасыз ету сапасы мен 340 мыңға жуық адамның өмір сүру сапасы жақсарады деп күтілуде.

«Бағдарламаны іске асыру барысында Соколовский, Көкшетау, Булаев, Есіл және Пресновский топтық су құбырларын қайта жаңғырту және салу бойынша 10 ірі жоба жүзеге асырылады. Бұл жұмыстар өңірде сенімді сумен жабдықтау жүйесін құруға және ауыз судың сапасын арттыруға бағытталған», - деді Су ресурстары және ирригация вице-министрі Ерболат Ыбырайханов.