Әскерилер Алматыда лаңкестер қиратпақ болған техниканы көрсетті - видео

Қазақстанның Қорғаныс министрлігі Алматыдағы тәртіпсіздіктер кезінде лаңкестер  оқ жаудырған техника бейнеленген түсірілімді жариялады.

Алматы қаласында төтенше жағдай режимін қамтамасыз ету шаралары барысында Қазақстанның Аэро-десанттық-шабуылдаушы күштері бөлімшелерінің  броньды доңғалақты «Арлан» машиналары оқтың астында қалды

Лаңкестер әскери техниканы жарамсыз етіп, әскери қызметкерлерді жоймақ болған. Бейнежазбадан көргендей бронетранспортерлер жеке құрамның қорғанысын қамтамасыз етіп, өзіне жүктелген жауынгерлік тапсырмаларды орындай алған.