Әскери қызметшілерді еске алу үшін ведомстволық ту түсірілді

Алматы облысының Боралдай кентінде Ан-26 ұшағы апатынан қаза тапқан ҰҚК авиациялық қызметінің әскери қызметшілерімен қоштасу рәсімі өтті, деп хабарлады ведомствоның баспасөз қызметі.

Қаза болғандардың денелері комитеттің жер үсті және әуе көліктерін қолдана отырып, жерлеу орнына жеткізілді.

15 наурызда ҰҚК орталық аппаратының ғимаратында қаза тапқан әскери қызметшілерді еске алу үшін ведомстволық ту түсірілді. 17.22-де ұлттық қауіпсіздік органдарында бір минут үнсіздік өтеді.

13 наурызда сағат 17.22-де ҚР ҰҚК авиациялық қызметінің Ан-26 әуе кемесі Алматы әуежайына қонуға бет алған кезде апатқа ұшырады. Ұшақ апатынан төрт әскери қызметші қаза тапты.