Әскери қызметкер өз қызын зорлағаны үшін кастрацияға кесілді

Сот өзінің 11 жасар қызын бірнеше рет зорлаған бұрынғы әскери қызметкерді өмір бойына бас бостандығынан айыру және химиялық кастрациялау туралы үкім шығарды.

Бұл туралы Orda.kz бас әскери прокуратураға сілтеме жасап хабарлайды.

«Сотталушының кінәсі жәбірленуші мен куәлардың айғақтарымен, сот-медициналық сараптамалар қорытындысымен және қылмыстық істің басқа да материалдарымен толық дәлелденді. Сот үкімімен бұрынғы әскери қызметкер ҚР Қылмыстық кодекстің 120-бабы 4-бөлігі «Кәмелетке толмағанды ​​зорлау», 121-баптың 4-бөлігі «Кәмелетке толмағанға қатысты сексуалдық сипаттағы күштеу әрекеттері»  көзделген қылмыстарды жасағаны үшін кінәлі деп танылды»деп түсіндірді департамент.

Ол жазасын қылмыстық-атқару жүйесінің төтенше жағдайлар жөніндегі мекемесінде өтейтін болады.

Үкім заңды күшіне енген жоқ.