Әскери оқу орнында Мәлік Ғабдуллинге арналған ескерткіш бұрышы ашылды

Шара Мәлік Ғабдуллиннің 105 жылдығы құрметіне арналған. Оған оқу орнының профессорлық-оқытушылық құрамы мен тыңдаушылары қатысты.

«Мәлік Ғабдуллинге арналған ескерткіш бұрышының ашылуы мен оған жоғары оқу орнынан факультеттің атауы берілуі үлкен құрмет пен жауапкершілік», - дейді Ұлттық қорғаныс университетінің бастығы генерал-лейтенант Сұлтан Қамалетдинов.

Айта кетсек, Мәлік Ғабдуллин Екінші Дүниежүзілік соғысқа генерал-майор И. Панфилов атындағы 8-ші гвардиялық атқыштар дивизиясының құрамында қатысқан. 1942 жылы Новгород облысында сарбаздар тобын басқарған. Шайқаста жаудың санына қарамастан, немістің екі танкін гранатамен жарып, көптеген жау әскерін жойды және 12 жауды тұтқынға алды.

1995 жылы Тұңғыш Президент Нұрсұлтан Әбішұлы Назарбаевтың қатысуымен Көкшетау қаласында Мәлік Ғабдуллиннің еліміздегі алғашқы мұражайы ашылған.