Қатардағы сарбаздарға құрт, қымыз бен шұбат беріледі

Қазақстандық әскердегі қатардағы сарбаздарға құрт, қымыз, шұбат пен түйе еті беріледі.

Бұл туралы Orda.kz хабарлады.

Мұндай ақпаратпен ҚР ҚК БШ Ұйымдастыру жұмылдыру жұмыстары департаментінің аға офицері Руслан Тапашев бөлісті.

– Әскери қызметкерлердің тамақтануын ары қарай жақсарту бағытында Қазақ тамақтану академиясымен бірлесе ұлттық дастарханның ерекшеліктерін ескере отырып, азық-түлік нормаларын жетілдіру жұмыстары жүргізіліп жатыр. Осы орайда әскерилердің тамақтану рационына қосымша жылқы, қой, түйе, үйрек, қаз етін және түрлі балықтармен толықтыру жоспарланып отыр. Мұнымен қоса, құрт, қымыз, шұбат сияқты дәстүрлі тағамдар мен сусындарды енгізу қарастырылған. Осы арқылы тамақтану құрамын жақсартамыз, - деді Руслан.

Қасым-Жомарт Тоқаевтың 2021 жылы ақпанда шыққан Жарлығына сай, 2021 жылы сарбаздарды күзгі мерзімге шақыру 1 қыркүйектен басталады. Жыл соңына дейін қатарға 17 мың сарбаз қосылуы керек.

Айта кетсек, әскерге шақырылған азаматтар 2 рет ПТР сынақтан өтеді.