Өскеменің бұрынғы әкімі Nur Otan партиясынан шығарылды

Өлімге әкелген жол апатына байланысты Өскемен қаласының әкімі қызметінен босатылған Қуат Тұмабаевтың сауда және интеграция министрлігінде жаңа лауазымға тағайындалуы Nur Оtan Ар-намыс кодексіне қайшы келеді. Бұл туралы Парламент Мәжілісінің депутаты, Nur Otan партиялық бақылау комитетінің төрағасы Артур Платонов мәлімдеді.

Толығырақ Orda.kz сайтында.

— Бұл тағайындау әлеуметтік медиа мен БАҚ-та әртүрлі реакция тудырды. Ал моральдық жағы қалай болмақ? Моральдық құқық қайда? Тұмабаевты тағайындау Nur Otan партиясы мүшесінің саяси тұғырнамасы мен этика кодексіне қайшы келеді. Партияның беделін түсіруге бақылау жасау жөніндегі елордалық комиссияның ұсынысы бойынша Тұмабаев партия қатарынан шығарылды, – деп жазды Артур Платонов өзінің Facebook парақшасында.

Ол сауда және интеграция министрлігі басшылығының атына Қуат Тұмабаевты экспортты ілгерілету департаментінің директоры қызметінен босату туралы ұсыныс-хат жолдағанын айтты.