Өскеменде сот сараптамасы орталығының бастығы сотталды

Өскеменде облыстық сот сараптамасы орталығының басшысы мен оның қарамағындағы қызметкерлерге үкім шығарылды.

Бұл туралы Orda.kz Астана телеарнасына сілтеме жасап хабарлады.

Сот материалдарына сәйкес, орталық басшысы марқұмдардың туыстарынан тексерісті жеделдету үшін пара алған. Қызмет құны 128 мың теңге. Қызмет ішіне мәйітті жуу мен оны киіндіру кіреді. Оған бөлек төлем жасалады. Ең қызығы, бұл қызметтердің төлемі кассаны айналып өткен.

Патолог заңсыз кәсіпке тағы төрт қызметкерді тартқан. Бір жылда олар 1,5 млн теңге табыс тапқан. Енді олардың барлығы нақты мерзімге сотталды.

– Соттың үкімімен сот сараптамасы орталығының бастығы, сондай-ақ қылмыстық құқық бұзушылық жасауға көмектескен төрт адам кінәлі деп танылып, сотталды. Басшыға көмек көрсеткен бағыныштылар бір жылға бас бостандығын шектелді. Сараптама орталығы жетекшісінің өзі жиынтық қылмыстық құқық бұзушылықтар үшін үш жылға бас бостандығынан айырылды, - дейді Өскемен қаласының №2 қалалық соты төрағасының міндетін атқарушы Тельман Әлімханов.