Өскеменде кондиционер кесірінен пәтер өртеніп кете жаздады

Өрт бір күн бұрын Виноградов көшесіндегі тоғыз қабатты үйден шыққан.

Пәтерлердің бірінің балконындағы өртті екі ер адам байқаған, олардың бірі полиция қызметкері болып шықты. Куәгерлер өрт сөндірушілерді шақырып, көмекке ұмтылған. Өрт шыққан пәтердің есігін сегіз жастағы бала ашқан. Оның пәтерде жалғыз болғаны белгілі болды.

«Алдын ала болжам бойынша, өрттің шығуына кондиционерді пайдалану кезінде өрт қауіпсіздігі талаптарының сақталмауы себеп болған»деп хабарлады ТЖД.