Өскеменде есірткі өндірісімен айналысатын әйел ұсталды

Шығыс Қазақстан облысының Есірткі қылмысына қарсы іс-қимыл басқармасы ІІМ мен прокуратураның үйлестіруімен Өскемен қаласында синтетикалық есірткілерді өткізу жолдары тексерілді, нәтижесінде есірткі зертханасы анықталып, жойылды.

Polisia.kz мәліметінше, «рефлекс» арнайы операциясын өткізу кезінде полиция қызметкерлері 120 грамм «альфа-pvp» психобелсенді заты бар жергілікті тұрғынды ұстады. Ол есірткіні оған Алматы қаласынан бір әйел үшінші тұлғалар арқылы жіберіп отырғанын айтты.

Желтоқсан айының басында ол есірткі өндірісін ұйымдастыру үшін Өскеменге келген, ол үшін жабдықтар мен химикаттарды Алматы қаласынан жеке зат ретінде жіберіп отырған. Күдікті әйел пәтер жалдап, синтетикалық есірткі өндірісіне кіріскен. Қылмыстық әрекетке қатысуы туралы дәлелді базаны бекіткеннен кейін ұсталды.