Өскеменде белгісіз жануар баланы талап кетті: қоқыстың қатысы қанша?

Өскемендегі Лесхоз ауылының тұрғындары белгісіз жануардың шабуылынан алты жасар қыздың өлімінен кейін полигонды жабуды талап етіп отыр.

Еске салсақ, 18 желтоқсан күні алты жасар қызды ауласында белгісіз жануар талап кеткен. Анасы қызының жерде жатқанын терезеден көрген. Сыртта қанға боялып жатқан қызының денесін анасы тауып алады. Баланың киімі жыртылған, бір аяғы жоқ болып шықты. Тек келесі күні қыз баланың аяқ сүйектері табылған.

Құқық қорғау органдары үшін қаңғыбас иттермен қатар есік алдындағы иттер де күдік тудырған. Олар ату жұмыстарын қолға алған. Марқұм қыздың жақындары қызға алабай иттері не қасқыр шабуыл жасаған деген болжам жасады.

Жергілікті тұрғындар қаңғыбас иттер мен қасқырлар жақын маңдағы қоқыс полигонына келеді дегенді алға тартты. Олар полигонды жабуды талап етіп отыр.

Қала билігі болса, бұл жерде 2022 жылы жаңа полигон салынатындығын мәлімдеген..