Өскемен: темекі тартамын деп, үйім өртеніп кетті

Өрт Қабанбай батыр көшесіндегі бес қабатты ғимаратта болған, деп хабарлайды YK-news.kz.

Қайғылы оқиға 29 қаңтарда сағат 2:30 шамасында тіркелді.

«Бірінші қабаттағы пәтерде жиһаз және жеке заттар өртеніп кетті. Көп қабатты үйден 10 адам құтқарылды, алтауы эвакуацияланды», - деп хабарлады ШҚО ТЖМ баспасөз қызметі.

Өрт болған пәтердің иесі 1953 жылғы азамат термиялық күйік алып, ауруханаға түсті.

Өрттің жалпы ауданы 15 шаршы метрді құрады. Өртті сөндіруге бес техника жұмылдырылды.

Оқиғаға төсекте темекі шегу кезіндегі абайсыздық себеп болуы мүмкін.