Өскемен қаласының әкімі жауапкершілікке тартылды

Өскемен қаласының әкімі Жақсылық Омар медициналық бетперде кимегені үшін айыппұл төледі.

Бұл туралы әкімнің кеңесшісі Әлібек Тұрсымбетов өзінің Facebook парағында айтты, деп хабарлады Orda.kz.

Өскемен қаласы тұрғындары санитарлық нормаларды бұзғаны үшін әкімнен 670 мың теңге айыппұл төлеуді талап етті.

— Қала басшысының қоғамдық жерде бетпердесіз жүруі қолданыстағы заңнама аясында шешілді. Өткен аптада заң бұзушылық туралы тиісті хаттама жасалғаннан кейін қала әкімі белгіленген айыппұлды төледі, - деп жазды әкімнің кеңесшісі Әлібек Тұрсымбетов өзінің Facebook парағында.

Оның айтуынша, қалалық шараға бетпердесіз келген Олимпиада чемпионы Ольга Рыпакова да айыппұл төлеген.

Еске салсақ, қазір маска режимін бұзғаны үшін айыппұл 30 АЕК, яғни 83 340 теңге.