«СК-Фармация» компаниясының экс-басшысының ісі сотқа жеткізіледі

Компанияның экс-басшысының қызмет бабын асыра пайдалануына байланысты тергеу аяқталды.

Сыбайлас жемқорлыққа қарсы іс-қимыл агенттігінің төрағасы Алик Шпекбаев тергеу жүргізіліп жатқанын және «СК-Фармацияның» бұрынғы басшысы Берік Шәріптің ісі жақын арада сотқа жеткізілетінін айтты.

«Танысып жатыр, адвокаттар өздерінің бірқатар сұрақтарын көтеріп жатыр. Ең бастысы, іс аяқталды. Танысу жақын күндері аяқталуы керек. Іс сотқа жіберіледі», - деді Шпекбаев.

Агенттік басшысы Берік Шәріпке қызмет бабын асыра пайдаланды деген айып тағылғанын айтты. Қазір іс абайсыздық бабы бойынша қайта қаралды.

СК-Фармацияның экс-басшысы 2020 жылы 14 тамызда ұсталды. Коронавирусқа байланысты елдегі төтенше жағдай кезінде ол медициналық мақсаттағы бұйымдарды сатып алу кезінде өз өкілеттігін асыра пайдаланды деген күдікке ілінді. Сот экс-шенеунікті қамауға алу туралы шешім шығарды.