Сіз – елдің басты сатқынысыз: халық депутаты отырыста Зеленскийге тиісті

Халық депутаты Гео Лерос жоғарғы Радада сөз сөйлеп, әдепсіздік саналатын «ортан терегін» көрсетті. Оқиға кеше Рада отырысында болды.

Бұл туралы Orda.kz «Украинская правда» сайтына сілтеме жасай отырып хабарлайды.

– Сәлеметсіз бе, президент мырза. Сіз де, Ермак та осында екенін көріп отырмын. Мен сізге шындықты айтуға қорықпаймын. Сіз өзіңіздің құқық қорғау органдарыңызды қалағаныңызша улай аласыз, бірақ мен шындықты айтуға қорықпаймын... сіз елдің басты сатқынысыз, – деді депутат.

Осыдан кейін парламент спикері Руслан Стефанчук Леростан микрофонды өшіруді өтінді. Трибунадан шыққан ол Зеленскийге ортаңғы саусағын көрсетті.

«Слуга народа» фракциясы Раданың регламент комитетінен халық депутатының мінез-құлқы мен ерсі қылығын бақылап, шешім шығаруын сұрады.

Украина президентінің баспасөз қызметі депутаттың мінез-құлқына жауап беруден бас тартты.

– Бұл кісі өз беделін толығымен жойды, – деді Зеленскийдің өкілі Сергей Никифоров.

Бұрын Гео Лерос Зеленскийдің кеңесшісі болған. Бірақ қазір ол президенттің кеңсесін сынға алуда. 28 тамызда дәл осы депутаттың көлігін белгісіз біреулер өртеп жіберген болатын.