Сириялық босқындарға қарсы Түркияда жаппай тәртіпсіздіктер орын алды

Түркия астанасында сириялық босқындарға қарсы шыққан жаппай тәртіпсіздіктер басталды.

Бұл туралы Orda.kz хабарлайды.

Сириялықтардың елге қоныс аударуына наразы тұрғындар мигранттарға тиесілі дүкендерге, көліктерге және басқа да мүлікке шабуыл жасай бастады. Оқиға Анкара қаласындағы төбелес кезінде сириялық босқынның екі түрік азаматын пышақтағанынан кейін басталған. Жарақат алған бір түрік азаматы қайтыс болды, екіншісі жаралы. Екі сириялық босқын да қамауға алынды.

Ankara Altındağ'da Emirhan Yalçın isimli gencin bıçaklanarak hayatını kaybetmesiyle başlayan olaylar büyüyor. Mahalleli Suriyelilere ait bir dükkanı kullanılamaz hale getirdi. pic.twitter.com/4NuDHlBXWG

— Aykırı (@aykiricomtr) August 11, 2021

Әлеуметтік желіде тарап жатқан фото мен видеоларға сәйкес наразы тұрғындар полиция қоршауын бұзып өтіп, үйлер мен дүкендерге тас лақтырып, көліктерді қирата бастаған.

Reuters агенттігінің хабарлауынша, тәртіп сақшылары аспанға оқ атып, тоқтатпақ болған. Қазіргі таңда тәртіпсіздікке қатысқан 76 адам ұсталған. Анкара полициясының хабарламасына сәйкес, ұсталғандардың арасында 38 азаматттың бұрын істі болғаны анықталды. Оның ішінде ұрлық, зорлық жасағандары да бар.

Riots continue in some parts of Ankara: pic.twitter.com/Z22YHjht3Q

— Rojava Network (@RojavaNetwork) August 11, 2021

Биліктегілер мигранттар тұратын ауданға тұрғындарды сабырға шақыру үшін арнайы жасақ жіберген, ал сириялық босқындарды басқа елді-мекенге эвакуациялаған. Бірнеше сағатқа созылған қақтығыстан кейін тәртіп сақшылары қоғамдық тәртіпті қалыпқа келтірді.

Түркия 3,7 миллионға жуық сириялық босқындарды қабылдайды деп хабарланған, ал соңғы толқулар ауғанстандық босқындардың Ираннан Түркияға келуінен туындауы мүмкін екені де айтылды.