Сирияда соғысқан қазақстандық ұсталды

22 жастағы қазақстандық Стамбулдан Алматыға конвоймен депортацияланды.

Ұлттық қауіпсіздік комитетінің мәліметінше, ол халықаралық лаңкестік ұйымға қатысы бар деген күдікке ілінген.

Тергеу материалдарына сәйкес, Түркістан облысының тумасы 2020 жылы Сирияға барып, сол жерде белсенді қарулы топтардың біріне қосылған.

«Оны ұстау және отанына экстрадициялау түрік серіктестерімен бірлесіп, сондай-ақ Қазақстан Республикасы Бас прокуратурасы мен Ішкі істер министрлігінің қолдауымен ұйымдастырылды. Қажетті тергеу амалдары жүргізілуде» деп хабарлады Ұлттық қауіпсіздік комитеті.

Қазір ол қамауда. Қылмыстық іс Қылмыстық кодекстің 257-бабы («Террористік топ құру, басқару және оның қызметіне қатысу») бойынша тергелуде.