Сирияда соғысқан Қазақстан азаматы ҰҚК-ға өз еркімен берілді

Ұлттық қауіпсіздік комитеті мен ҚР Бас прокуратурасы бірлесіп, 16 қараша күні Анталиядан Алматыға халықаралық террористік ұйымға қатысы бар деген күдікпен Қазақстан азаматы жеткізді, деп хабарлайды Orda.kz.

Ер адам бұрын Сирияда қарулы топ қатарында болғаны, кейін Түркияға жетіп, жергілікті полицияға ұсталғаны анықталды. Ол Қазақстанға қайтуға және заң жүзінде қылмыстық жауапкершілікті қабылдауға дайын екендігін мәлімдеді. 

«ҰҚК аталған тұлғаға қатысты Қылмыстық кодекстің 257-бабы  2-бөлігі бойынша сотқа дейінгі тергеп-тексеру жүргізуде. Ол сот санкциясымен қамауға алынды» деп мәлімдеді ҰҚК баспасөз қызметі.