Сирия бойынша Астана форматындағы СІМ кездесуі: тараптар мәлімдеме жасады

7 желтоқсанда Дохада (Катар) өткен кездесуге Катар, Сауд Арабиясы, Иордания, Египет, Ирак, Иран, Түркия және Ресей сыртқы істер министрлері қатысты. Оның қорытындысы бойынша Катар Сыртқы істер министрлігі Ресей, Иран, Түркия және бес араб елінің Сириядағы жағдайға қатысты бірлескен мәлімдемесін жариялады, деп хабарлайды Orda.kz Катар Сыртқы істер министрлігіне сілтеме жасап.

Жарияланған баяндамада Сирия дағдарысының аймақтық және халықаралық қауіпсіздікке қауіп төндіретіні, бұл барлық тараптарды осы мәселенің саяси шешімін табуға талпынуға мәжбүр ететіні атап өтілді.

Тараптар Сирия халқына гуманитарлық көмекті ұлғайту және оның зардап шеккен барлық аймақтарға тұрақты және кедергісіз қол жеткізуін қамтамасыз ету үшін халықаралық күш-жігерді біріктірудің маңыздылығы туралы келісті. Жиын қорытындысы бойынша бейбіт процесті бастауға дайындық кезінде соғыс қимылдарын тоқтату керек деген шешім қабылданды.

 Жиын соңында жиналғандар БҰҰ Бас хатшысының Сирия бойынша арнайы өкілі Гейр Педерсеннің БҰҰ Қауіпсіздік Кеңесінің 2254 қарарын орындау үшін Женевада саяси келіссөздерді бастауға шақырған баяндамасын тыңдады.