Синоптиктер қазақстандықтарды жазда қандай ауа райы күтетінін айтты

«Қазгидромет» РМК жазға ауа райы болжамын ұсынды. Маусым мен шілде айлары ыстық болады.

Жазда қатты жаңбыр жауып, найзағай ойнап, солтүстік-батыстан жел соғады, сондай-ақ жылы күндер күтіледі.

«Маусым және шілде айларында республиканың батыс аймағында ауа температурасы нормадан жоғары, ал елдің шығыс жартысында нормаға жуық болады деп болжануда. Тамыз салқын болады» делінген «Қазгидромет» РМК хабарламасында.

Маусым айында Қазақстанның басым бөлігінде жауын-шашын қалыпты жағдайдан аз болады деп болжануда. Шілде және тамыз айларында, керісінше, елдің басым бөлігінде жауын-шашын күтіледі.