Синоптиктер 22 қазанға арналған ауа райы болжамын ұсынды

Қазақстандық синоптиктер 22 қазанға арналған ауа райы болжамын ұсынды.

Бұл туралы Orda.kz хабарлайды.

– Қазақстанның басым бөлігінде ауа райы циклон мен атмосфералық фронтальды бөліктер арқылы анықталатын болады. Соған байланысты жауын-шашын (жаңбыр, қар), желдің күшеюі күтіледі, оңтүстік пен оңтүстік-шығыста қатты жауын-шашын (жаңбыр, қар) болады. Тек Атырау, Маңғыстау облыстарында антициклонның әсерінен жауын-шашын күтілмейді. Елдің басым бөлігінде тұман күтіледі, оңтүстік-батыста шаңды дауыл болса, елдің солтүстік-батысында көктайғақ болып, қар жауады, - деп хабарлады «Қазгидромет» РМК.

Ақмолада, Қостанайдың солтүстік-батысында, Шығыс Қазақстан облысында тұман, қарлы боран, көктайғақ күтіледі

Жамбыл облысының солтүстігінде және таулы аймақтарында тұман, көктайғақ күтіледі. Таулы аудандарда екпіні 25 м/с құрайтын жел күшейеді.

Түнде және таңертең Атырауда, Түркістан облысының таулы аймақтарында тұман.

Солтүстік Қазақстан облысында солтүстігі мен батысында көктайғақ, қарлы боран күтіледі.