СІМ Тайваньдағы сайлауға қатысты пікір білдірді

Сыртқы істер министрлігі Тайваньдағы сайлау нәтижелеріне қатысты Қазақстанның ұстанымын хабарлады.

Ведомствоның хабарлауынша, ел «бір Қытай» қағидатын ұстанады.

«Тайваньда өткен сайлауға байланысты Қазақстан «бір Қытай» қағидатын табанды түрде қолдайтынын және Қытай Халық Республикасының үкіметі бүкіл Қытайды білдіретін бірден-бір заңды үкімет екенін, ал Тайвань Қытайтың ажырамас бөлігі екенін мойындайды» деді СІМ.

Ведомство сондай-ақ Қазақстанның ҚХР-ның елді бейбіт жолмен біріктіру жолындағы күш-жігерін қолдайтынын хабарлады.

Естеріңізге сала кетейік, Тайваньдағы президенттік сайлауда ҚХР-мен жақындасуға қарсы шыққан Уильям Лай ең көп дауыс (40,2%) жинаған.