СІМ мен Халықаралық түркі академиясы арасындағы келісімге қол қойылды

Сыртқы істер министрі Мұхтар Тілеуберді және Түркі академиясының Президенті Дархан Қыдырәлі Қазақстан Республикасының Үкіметі мен Халықаралық Түркі академиясы арасындағы Түркі Академиясын орналастырудың шарттары мен тәртібі туралы келісімге қол қойды.

Түркі Академиясы Қазақстан Республикасының Тұңғыш Президенті – Елбасы, Түркі Кеңесінің Құрметті төрағасы Нұрсұлтан Назарбаевтың бастамасымен 2010 жылғы 25 мамырда құрылған. Халықаралық ұйымның штаб-пәтері Нұр-Сұлтанда орналасты. Түркі Академиясының мүшелері - Әзербайжан, Қазақстан, Қырғызстан және Түркия, ал Мажарстан бақылаушы мәртебесіне ие болды.