Си Цзиньпин «түрлі-түсті революцияларға» бірлесіп қарсы тұруға шақырды

Си Цзиньпин «түрлі-түсті революцияларға» бірлесіп қарсы тұруға шақырды. Бұл туралы Қытай басшысы Самарқандта өтіп жатқан ШЫҰ саммитінде айтты.

«Біз қауіпсіздік пен даму мүдделерін қорғау үшін бір-біріміздің күш-жігерімізді қолдауымыз керек. Сыртқы күштердің түрлі-түсті революцияны тудыру әрекеттеріне жол бермеу, кез келген сылтаумен басқа елдердің ісіне араласуға бірлесіп қарсы тұру маңызды» деп хабарлады РИА Новости Си Цзиньпиннің сөзіне сілтеме жасап.

Бұған дейін Қазақстандағы қаңтар оқиғасы кезінде Қытай Халық Республикасының төрағасы болып жатқан жағдайды кейбір сыртқы күштердің «түрлі-түсті революцияға айдап салуы» деп атаған болатын.

Еске салсақ, Тоқаев ШЫҰ-ға мүше мемлекеттер басшылары кеңесінің шағын құрамдағы отырысына Өзбекстан президенті Шавкат Мирзиеевпен, Үндістан Премьер-министрі Нарендра Модимен, ҚХР Төрағасы Си Цзиньпинмен, Қазақстан Президенті Нұрсұлтан Назарбаевпен бірге қатысты. Сонымен қатар аталған жиынға Қырғызстан президенті Садыр Жапаров, Пәкістан премьер-министрі Шахбаз Шариф, Ресей президенті Владимир Путин және Тәжікстан президенті Эмомали Рахмон қатысты.