Си Цзиньпин Тайвань мәселесі туралы айтты

G20 саммитіндегі  Си Цзиньпин мен АҚШ президенті Джо Байденнің бетпе-бет кездесуінің егжей-тегжейлері белгілі болды.

Қытай төрағасы Си Цзиньпин АҚШ президенті Джо Байденмен кездесуінде Тайваньның тәуелсіздігін тану мәселесін Қытай-АҚШ қарым-қатынасындағы «қызыл сызық» деп атады. Бұл туралы Қытай Сыртқы істер министрлігі сайтында ведомство басшысы Ван Идің баяндамасында айтылған.

14 қарашада Қытай төрағасы Си Цзиньпин G20 саммитінде АҚШ президенті Джо Байденмен кездесті. Қытай Сыртқы істер министрінің айтуынша, екі ел басшылары Қытай-АҚШ қарым-қатынастарына, әлемдік күн тәртібіне және жаһандық дамуға қатысты негізгі мәселелерді ашық және егжей-тегжейлі талқылады. Сонымен бірге диалог конструктивті және стратегиялық сипатта болды. Си Цзиньпин Қытай мен АҚШ арасындағы қарым-қатынас «тоқырау мен қақтығыссыз» дамуы керек деді.

Сонымен қатар, Қытай басшысы президент Байденмен келіссөздер барысында Тайвань мәселесіне баса назар аударды.

2022 жылдың қыркүйегінде АҚШ президенті Джо Байден Қытай басып алған жағдайда АҚШ әскерлері Тайваньды қорғайтынын айтты. Қытай сонау 1911 жылы өз тәуелсіздігін жариялаған Тайвань аралын ҚХР-ның құрамдас бөлігі деп санайды. Тайвань төңірегіндегі жағдай аралға АҚШ Өкілдер палатасының спикері Нэнси Пелоси ресми сапармен барғаннан кейін күрт ушығып кетті.

Қазақстан Тайвань аралының тәуелсіздігін әзірге мойындаған жоқ.