Си Цзиньпин пен Тоқаев мамырда Мәскеуге барады

Қасым-Жомарт Тоқаев пен ҚХР төрағасы Си Цзиньпин 2025 жылдың 9 мамырында Мәскеуде өтетін екінші дүниежүзілік соғыстағы жеңістің 80 жылдығын мерекелеуге қатысады, деп хабарлайды Orda.kz.  

Президент Тоқаев өзінің қатысатынын қаңтардың соңында Ресей премьер-министрі Михаил Мишустинмен әңгіме барысында растады.Төраға Си Цзиньпин де шақыруды қабылдап, өз кезегінде Ресей президенті Владимир Путинді 2025 жылдың қыркүйегінде Қытайда өтетін салтанатты шараларға қатысуға шақырды.

 Бұл туралы Ресейдің Қытайдағы елшісі Игорь Моргулов «Россия-24» телеарнасының эфирінде хабарлады.  

«Си Цзиньпин, өз кезегінде, Владимир Путинді қыркүйек айының басында Қытайда өтетін салтанатты шараларға шақырды», – деді ресейлік елші.

Күзде Қытайда Жапонияны жеңгені және екінші дүниежүзілік соғыстың аяқталуының 80 жылдығына арналған іс-шаралар өтеді.