Си Цзиньпин маңызды мәлімдеме жасайды

ҚХР төрағасы, Қытай коммунистік партия орталық комитетінің бас хатшысы Си Цзиньпин БҰҰ Бас ассамблеясының 76-сессиясында маңызды мәлімдеме жасайды.

Бұл туралы Orda.kz хабарлады.

– ҚХР Төрағасы Си Цзиньпин 21 қыркүйекте бейне байланыс арқылы БҰҰ бас ассамблеясының 76-шы сессиясының жалпы пікірталастарына қатысады және маңызды мәлімдеме жасайды, – деді ҚХР СІМ ресми өкілі Хуа Чуньин.

14 қыркүйекте Нью-Йоркте БҰҰ Бас Ассамблеясының 76-шы сессиясы ресми түрде ашылды. Биылғы жылы сессия күндізгі форматта жұмысын қайта бастады. Тақырып бірқатар жаһандық мәселелер болады: COVID-19 пандемиясын еңсеру, адам құқықтарын қорғау және кедейлікті жою. 21-27 қыркүйек аралығында жоғары деңгейдегі апта өтеді, оған 83 мемлекеттің басшылары, 43 үкімет басшылары, сондай-ақ 23 елдің сыртқы істер министрлері келеді деп күтілуде.