Шымкенттік кәсіпкерді өлтіріп, көлігін өртеп жіберді

Кәсіпкер Аваз Жаналиевті аяусыз өлтіріп, денесін автокөлікте өртеп жіберген.

Ақпарат «Астана» телеарнасында жарияланды деп хабарлайды Orda.kz.

Оқиға Сайрам аумағында болған. 30 жастағы ер адам кісі өлтірді деп күдіктелуде. Ол кәсіпкерге жалған құжаттармен жер учаскесін сатуға тырысқан. Бірақ сатып алушы алаяқтықты сезіп қалғанда, қылмыскер оны аяусыз өлтіріп, ақшаны алып кеткен.

Кәсіпкердің денесін өз машинасына тиеп, күдікті марқұмды адам жоқ жерге апарып, бірнеше сағаттан кейін қайта келіп, көлікке бензин құйып, өртеп жіберген.

Күдікті 30 жастағы жұмыссыз ер адам болып шықты. Бұрын ол қарақшылық үшін сотталған.

Кәсіпкердің жүкті әйелі мен екі кішкентай баласы қалды.