Шымкенттік экс-шенеуніктің ісіне қатысты тергеу басталды

Шымкент қаласы тұрғын үй басқармасының бұрынғы басшысы Нұрбол Жүнісбеков қазір Астанадағы тергеу изоляторында. Оның үстінен қылмыстық кодекстің ауыр бабы бойынша тергеу жүріп жатыр, деп хабарлайды Orda.kz Kazinform агенттігіне сілтеме жасап.

Нұрбол Жүнісбеков бұл қызметке 2025 жылдың көктемінде тағайындалған. Ал үш жарым ай бұрын оның қамауға алынғаны хабарланды.

«2025 жылғы 5 наурызда Сыбайлас жемқорлыққа қарсы қызмет Қазақстан Республикасы Қылмыстық кодексінің 189-бабының 4-бөлігінің 2-тармағы (сенiп тапсырылған бөтен мүлiктi иемденiп алу немесе талан-таражға салу) бойынша Н.Жүнісбековке және басқа да тұлғаларға қатысты сотқа дейінгі тергеп-тексеруді бастады», – дейді Жамбыл облысы прокурорының орынбасары Ғалымжан Дәненов. 

Айта кетейік, экс-шенеуніктің кінәсі дәлелденсе, жеті жылдан он екі жылға дейінгі мерзімге бас бостандығынан айырылуы мүмкін.