Шымкенттің бас дәрігері ер адамдарды екпеге шақырудың жаңа тәсілін тапты

Шымкент қаласының бас дәрігері ер адамдарды екпеге келтірудің  ерекше маркетингтік тәсілін тауып, оны жария етті.  

Шымкенттің бас дәрігері Бақытжан Пазылов ер адамдарға екпе алудың қажеттілігін заманауи әдіспен түсіндіруге тырысты.

Бұл туралы  Orda.kz   порталы vera.kz. сайтына сілтеп хабарлады.

—  Естеріңізде болсын, біз сізді жансақтау бөліміне  жатқызған кезде, сіздің заттарыңыз бен телефоныңызды  әйеліңіздің қолына  береміз. Ол сіздің барлық хабарласқан адамдарыңызды міндетті түрде қарап шығады. Телефоныңызда сіздің көңілдесіңіздің де хабарламалары болуы мүмкін.  Сондықтан, өзіңізді ұстап бермеу үшін вакцина алыңыз, - деп жазды Пазылов.

Шымкенттің бас дәрігері жіберген хабаралама қалалық чаттарда ең танымал болып, тез тарап кетті.  Қалалық денсаулық сақтау басқармасының басшысы Бақытжан Пазылов бұл күлкілі жазбаны бір күн бұрын жариялады, алайда артынша өшіріп тастады.

Сонымен қатар, әзіл-шыны аралас хабарлама әсер етті ме белгісіз,  дегенмен бүгін Шымкент қаласының «қызыл» аймақтан  «сарыға» өтті. Қазіргі уақытта Шымкентте 392 630 адамға екпе жасалған.