Шымкенттегі түнгі клубта 60 адам төбелескен

Жаппай төбелес оқиғасы 3 ақпан күні шамамен түнгі сағат 02.00-де қаладағы «Пандора» түнгі клубында болған, деп хабарлайды Orda.kz порталы Оtyrar-ға сілтеме жасап.

Полиция хабарлауынша, клуб клиенттерінің ерегісі төбелеске ұласып, бір адам пышақ жарақатын алған.

60 шақты адам полицияға жеткізілген. Барлығынан жауап алынған. Қылмыстық іс тіркеліп, сотқа дейінгі тергеу амалдары жүргізіліп жатыр.

Ал түнгі клуб ғимаратының иесі мен жалға алушы мұндай жайттардың алдын алу үшін қауіпсіздік шараларын күшейтпек.