Шымкенттегі стадионның сапасыз құрылысына қатысты тергеу басталды

Шымкентте стадионның сапасыз салынуы фактісі бойынша тексеру басталды, деп хабарлайды қалалық полиция департаментінің  баспасөз қызметі.

Стадионды қазірдің өзінде жедел уәкілдер мен тергеушілер аралап үлгерді, деп хабарлады қалалық полиция департаменті. Іс Қылмыстық кодекстің 278-бабы («Сапасыз құрылыс») бойынша тергелуде.

Заңға сәйкес, апатқа кінәлі адам табылып, кінәсі дәлелденсе, 6,3 миллион теңгеге дейін айыппұл төлеуі мүмкін.

Апат 21 мамыр күні кешке «Ордабасы» мен «Ақсу» командалары арасындағы ойын кезінде болған. Ойын басталғаннан кейін соққан жел стадион трибуналарының бір секторының шатырын жұлып әкетті. Бастысы ол  орындарда көрермен болған жоқ. Зардап шеккендер жоқ.