Шымкенттегі мәйітхана алдында ұзын кезек жиналды

Шымкенттегі патологиялық анатомиялық бюро алдында ұзын-сонар кезек пайда болды, себебі қалада коронавирустан өлім-жітім жоғары.

Бұл туралы Orda.kz Otyrar.kz-ке сілтеме жасап хабарлады.

Қайтыс болғандар Шымкент пен Түркістан облысындағы ауруханалардағы мәйітханаға жеткізіледі.

– Егер бұрын бізге айына 60-70 адам әкелінсе, қазір күніне 30-35 адам қабылданады. Сонымен қатар олардың 80-90%-ы коронавирустық инфекциядан қайтыс болғандар. 1-2 жағдайда ғана адамдар инсульт не инфарктан көз жұмған, - деді патологоанатолог Марат Тоқтасов.

Бұл күндері қабір қазушылардың жұмысы қаурыт. Олар күні бойы бейіт басында жүреді.

Шымкент бас дәрігерінің айтуынша, марқұмның туыстары оларды бірден жерлегісі келеді. Бірақ рәсімге сәйкес, денелер 2-3 күннен кейін ғана шығарылады.

– Адамдар қоңырау шалып, сұрайды. Әсіресе, мұсылмандар мәйітті алуға асығады. Біз оларға өлімнен кейін дененің ауруханада 2 сағат жатуы керектігін түсіндіреміз, содан кейін мамандар оларды көлікпен мәйітті тексеру бюросына апарады. Мәйіт тексерістен өтпей, біз оны бере алмаймыз, - деді Шымкент қалалық денсаулық сақтау басқармасының бастығы Бақытжан Пазылов.

Бұл жағдайда марқұмның денесі өңделіп, туыстарына шүберекке оралып, қалың матамен беріледі.

Жыл басынан бері Шымкентте коронавирус инфекциясынан 600-ден астам адам қайтыс болды. Сонымен қатар, өлім шыңы шілдеде тіркелген. Өткен айдың басынан бері қалада COVID-тен 300-ден астам адам қайтыс болды.