Шымкенттегі колонияда педофил жұмбақ жағдайда қайтыс болды

Педофил Шымкенттегі колонияда жұмбақ жағдайда қайтыс болды.

Отырар басылымының мәліметінше, сотталушы ИЧ-167/2 қауіпсіздігі қатаң мекемеде кәмелетке толмаған баланы зорлағаны үшін жазасын өтеп жатқан.

Белгілі болғандай, бұған дейін сотталушы құлап, ауыр жарақат алған.

«Ол ауруханаға жеткізіліп, шұғыл түрде ота жасалды. Бірақ дәрігерлер тұтқынды аман алып қала алмады. Қазір прокуратура тергеу жүргізіп жатыр. Қадағалау органында басқа ешқандай мәлімет айтылмады» делінген хабарламада.

Тергеудің объективтілігі үшін бұл іске жергілікті адам құқығын қорғау ұйымдары да қосылғаны атап өтілді. Қылмыстық-атқару жүйесі департаментінде (ҚАЖД) да тексеру тағайындалды. Колонияның өзінде оқиғаға қатысты түсініктеме бермеді, тек баспасөз хабарламасы жарияланды.

«Аталған факті бойынша түзеу мекемесіне тергеу-жедел тобы, прокуратура қызметкерлері келді. Сотқа дейінгі тергеу басталды, қызметтік тексеру жүргізілуде. Қазіргі уақытта бұл оқиғаның себептері мен мән-жайы анықталуда» деп хабарлады Қылмыстық атқару жүйесі Шымкент қаласы және Түркістан облысы бойынша департаментінен.