Шымкенттегі ірі компаниялардың бірі «Azala Cotton» зауыты жұмысын тоқтатты

Шымкенттегі ірі «Azala Cotton» зауыты жөндеу жұмыстарына байланысты жұмысын тоқтатты, деп хабарлайды Orda.kz.

Премьер-Министр орынбасарының Индустрия министрлігі мен кәсіпорын басшылығының қатысуымен өткен кеңесте «Azala Cotton» өндірісіндегі проблемалық мәселелерді шешу шаралары талқыланды.

«Azala Cotton»-ға тиесілі зауыт жабылған жоқ. Кәсіпорын өнімділігін арттыру үшін күрделі жөндеуге жабылды. Қызметкерлер жалақысы төленетін демалысқа жіберілді. Жоспарланған жұмыстардың барлығы аяқталғаннан кейін мақта жинау науқаны басталысымен өндіріс екі еселенген қуатпен қайта іске қосылады», - деді зауыт өкілдері. 

Бұған дейін компания қызметкерлері жалақы, зейнетақы жарналарының және медициналық сақтандырудың кешігуіне шағымданған.