Шымкентте жүкті әйелді пышақпен жарақаттады

Шымкент қаласында белгісіз біреу аяғы ауыр әйелдің ішін пышақпен жаралады.

Бұл туралы Otyrar.kz хабарлайды.

Шымкент қаласының № 2 ауруханасына пышақ жарақатымен шамамен 30 жастағы жүкті әйел түсті. 

Жәбірленушіні асқазан тұсынан жарақаттаған. Дәрігерлердің айтуы бойынша балаға ешқандай зиян тимеген, мерзімі кішкентай екені анықталды. Әйелге ота жасалды.

Жүкті әйелге кім пышақ салғаны әзірше белгісіз.

«Оны ес-түссіз күйінде жедел жәрдем әкелді. Тексеру кезінде оның жүкті екені анықталды, мерзімі кішкентай болды. Қазір оған ота жасалды, жағдайы қанағаттанарлық» деп жазады басылым.

Аурухана қызметкерлері жәбірленуші туралы ақпаратты Шымкент полиция бөліміне жеткізді.