Шымкентте жедел жәрдем жүргізушілері ереуілге шықты

Шымкентте жедел жәрдем жүргізушілері ереуілге шықты. Қызметкерлер жалақыны көтеруді талап етіп, олай болмаған жағдайда жаппай жұмыстан шығатындарын айтты.

Ашынған жүргізушілердің айтуынша, олар өз қаражатына көліктерін жөндеп, жанармай құюға мәжбүр. Әкімшілік бұл айыптауларды жоққа шығарып отыр.

– Осында жұмыс істейтіндердің 90%-ның несиесі бар, жалақы мүлдем жетпейді. Тамақ бар, балалар ауырып жатыр, дәрі-дәрмек сатып алу керек. Біз бәрі жақсы болғандықтан ереуілге шығып жатқан жоқпыз, - дейді қалалық жедел жәрдем стансасының жүргізушісі Данияр Қосаев.

Қызметкерлердің айтуынша, жол ережесін күштеп бұзғаны үшін шексіз айыппұлдардан бөлек, олар да өз қалталарынан көліктеріне жанармай құюға мәжбүр. Жүргізушілер қараша айында зейнетақы төлемдерін алмағандарын да айтты.

– Мойындаймын, қараша айында біз зейнетақы төлемдері есептелмеді, бірақ ол кезде жалақыға ақша жетпейтін еді. Ал қосалқы бөлшектерге келсек... осы қажеттіліктерге 12 млн бөлдік. Біз қажеттінің бәрін сатып алдық. Өз қаражатына жөндеп жатқанын мен олардың аузынан бірінші рет естіп тұрмын. Бұл жала! – дейді қалалық жедел жәрдем станциясының бас дәрігері Гүлнәр Құрманбекова.

Almaty.tv ақпаратына сәйкес, жедел жәрдем стансасының басшылығы қарамағындағы қызметкерлермен кикілжіңге түспек емес. Алайда, жалақыны көтеру мәселесі министрлік деңгейінде шешіліп жатыр, деп атап өтті әкімшілікте.

Соған қарамастан, келер жылы жүргізушілердің жалақысын 15 мың теңгеге көтеруге уәде берді. Бірақ жұмысшылар бұл жеткіліксіз дейді.